Fizika fanidan Attestatsiya testlari №5 (2019)

1) Tokli o‘tkazgich induksiyasi 20 mTl bo‘lgan bir jinsli magnit maydonda joylashgan. Agar o'tkazgichning uzunligi l0 sm, tok kuchi 3 A,tokning yo‘nalishi va magnit induksiyasi vektori  orasidagi  burchak 45° bo‘lsa, o‘tkazgichga ta'sir etayotgan kuch qancha (mN)?

2) Protonning kinetik energiyasi 0,5moc² bo'lsa, uning to'la energiyasi qanday? mo protonning tinchlikdagi massasi.

3) Og‘irligi 24 kN bo‘lgan avtomobilning og‘irlik markazidan o‘tkazilgan vertikal avtomobil o‘qlari orasi­dagi masofani 1:3 nisbatda bo‘lsa, har bir juft g‘ildirakning yo‘lga bo'lgan bosim kuchlarini toping

4) Suv kapillar naychada 0,028 m ga ko`tarildi. Naychaning diametrini (mm) aniqlang. Suvning sirt taranglik koeffitsiyentini 0,07 N/m deb oling.

5) Qarshiligi 15Ω bo‘lgan reostat tayyorlash uchun ko‘ndalang kesimi 1,25 mm ² bo‘lgan nikelin simdan necha kilogramm olish kerak? (Nikelin simning zichligi 8,8 g/sm ³, solishtirma qarshiligi 0,4(Ω*mm²)/m

6) Odam og‘irligi 120 N bo'lgan bir chelak suvni chuqurligi 20 m bo‘lgan quduqdan 15 s da tortib chiqarishda o‘rtacha qanday quvvatga erishgan?

7) Agar v =440 THz chastotada to‘lqin uzunligi λ =510 nm bo‘lsa, yorug‘likning suvdagi tezligi v  qancha bo‘ladi? c=3·10⁸ m/s.

8) Elektromagnit to’lqinlar to’lqinning qaysi turiga kiradi?

9) Absolyut sindirish ko`rsatkichi 1,5 bo`lgan shaffof muhitda diametri 4 sm bo`lgan sferik havo bo`shlig`i mavjud. Muhitda diametri 6 sm dan katta bo`lgan parallel yorug`lik nurlari dastasi tarqalmoqda. Havo bo`shlig`iga o`tuvchi yorug`lik dastasining radiusini (sm) aniqlang.

10) Teploxodning daryo oqimiga qarshi tezligi 11 km/h, daryo oqimi bo`ylab harakat tezligi 17 km/h. Daryo oqimining tezligini (km/h) aniqlang.

11) Agar jismga 3 s davomida 15 N kuch ta’sir etsa, jism impulsining o'zgarishi (kg·m/s) nimaga teng?

12) Har birining qarshiligi R = 60 Ω dan bo‘lgan uchta rezistorga ega bo‘lgan holda, qanday qarshiliklarni hosil qilish mumkin?

13) Ikki jism modullari bir xil p bo’lgan va qarama – qarshi yo’nalgan impulslarga ega. Bu jismlar sistemasi impulsining  modulini aniqlang.

14) Dastlab tinch turgan 4 kg massali jism 8 N kuch ta'sirida qanday harakatlanadi?

15) Bir jinsli sterjen yerda yotibdi. Sterjenning bir uchiga F kuch bilan ta’sir etib, uni ko'tarish kerak. F kuchni sterjenning mg og'irlik kuchi bilan taqqoslang.

16) Gaz 27° С dan 57° С gacha isitilgan. Agar bosim o‘zgarmagan bo‘lsa, gaz hajmi necha protsent ortgan?

17) 8 kg spirt yonib tamom bo’lguncha 232 MJ  issiqlik ajralib chiqdi. Spirtning solishtirma yonish issiqligini toping (J/kg).

18) Avtomobil A bekatdan В bekatgacha 40 km/h, qaytishda esa 30 km/h tezlik bilan harakatlandi. Reys davomidagi o'rtacha tezlikni toping (km/h).

19) Kerosinning dielektrik singdiruvchanligi 2, magnit kirutuvchanligi 1 bo’lsa, absolyut sindirish ko’rsatkichi qanday?

20) To'lqin uzunliklari har xil bo'lgan ikkita yorug'lik dastasi qo'shilishi natijasida interferensiya kuzatiladimi? Agar kuzatilsa, qanday shart bajarilgan bo'ladi?

21) Massasi elektronning massasiga teng bo`lgan fotonning to`lqin uzunligini (pm) aniqlang. m_e=9.1*10^-31 kg, h=6,62 10^-34 J s, c=3 10 ⁵ km/s

22) Agar anod zanjiridagi tok kuchi 1 mA bolsa, katoddan 1 s da nechta elektron chiqadi? e = 1,6·10^{-19 C.}  

23) Elektrolitik vannadagi kuchlanish texnika normalariga ko‘ra 0,4 V ga teng bo‘lsa, 1 t misni tozalash uchun energiya sarfi qancha bo‘ladi (kWt·soat)? km. = 0,33·10^-6kg/Kl

24) Uzunligi 200 m bo’lgan poyezd 10 m/s tezlik bilan tekis harakatlanib, uzunligi 300 m bo’lgan tunnelga kirib bormoqda. Necha sekunddan keyin poezd tunneldan butunlay chiqib ketadi?

25) Mexanik tebranma harakat qilayotgan jismning tebranish davri 2 s bo'lsa, uning kinetik energiyasi qanday davr bilan o'zgaradi?

26) Ipga osilgan po‘lat sharcha ostiga kuchli magnit joylashtirilsa, sharchaning tebranish chastotasi qanday o‘zgaradi?

27) Tebranish konturining induktivligi 500 mkGn. Bu konturni 0,1 MHz chastotaga sozlash uchun qanday sig'imli kondensator tanlash kerak.

28) Yerning massasi 6,0 ·10²⁴kg, Oyning massasi 7,35 · 10²² kg, ularning markazlari orasidagi masofa 384400 km. Yer bilan Oy orasidagi tortishish kuchi topilsin (N).

29) Yuk avtomobili massasi 1 10 ³ kg bo`lgan yengil avtomashinani shatakka olib kelayotganda tekis tezlanuvchan harakatlanib 50 s da 0,4 km yo`lni o`tgan bo`lsa, bikrlik koeffitsiyenti 2 10 ⁶ N/m bo`lgan trosning cho`zilishini (mm) toping. Yung moduli 200 GPa ga teng.

30) Harakatlanayotgan o‘tkazgichda hosil bo‘ladigan induksiya EYUK ifodasi qaysi javobda keltirilgan?

31) Bir jinsli magnit maydonga induksiya chiziqlariga parallel yo‘nalishda uchib kirgan neytronning trayektoriyasi qanday chiziq?

32) 22 kg torf batamom yonib bitganda qancha issiqlik miqdori (MJ) ajraladi? Torf uchun solishtirma yonish isiqligi 14*10⁶  J/kg ga teng.

33) Tebranish konturidagi kondensator qoplamalaridagi zaryad vaqt o’tishi bilan q=10^-9 sin10⁸πt qonun bo’yicha o’zgaradi. Konturdagi tok kuchining vaqtga bog’liqlik qonunini yozing.

34) Solenoiddagi tok kuchi 5 A bo‘lganda undan 50 mVb magnit oqimi o‘tsa, solenoidning induktivligi qancha (mGn)?

35) Difraksion panjara yordamida hosil qilingan 1-tartibli ikkita maksimumlar o`zaro 60°  burchak ostida kuzatilayotgan bo`lsa, hosil qilingan maksimumlar soni qanchaga teng bo`ladi?

36) Energiyasi E= 6,0·10^-19  J bo‘lgan fotonning impulsi qanday? c=3·10⁸  m/s, h = 6,63·10 ^-34 J·s

37) Jismga 12 N kuch ta’sir etganda uning harakat tezligi  υx=10+2t qonun bo’ycha o’zgaradi. Jismning massasi qanday (kg)?

38) Moddiy nuqta 2 minutda 600 marta tebranadi. Tebranish davrini aniqlang.

39) Tekis tezlanuvchan harakatlanayotgan jism 15 s ichida 450 m masofani bosib o`tdi. Agar jism 4 m/s <sup>2</sup> tezlanish bilan harakatlangan bo`lsa, uning boshlang`ich tezligi (m/s) qanday bo`lgan?

40) Prujinani 4 mm cho‘zish uchun 0,02 J ish bajarish kerak. Shu prujinani 4 sm cho‘zish uchun qancha ish bajarish kerak?